June 22, 2026

Հայաստանի Հանրապետության տարածքային կառավարման և ենթակառուցվածքների նախարարությունը շրջանառության մեջ է դրել որոշման նախագիծ, որով առաջարկվում է «Հայաստանի էլեկտրական ցանցեր» (ՀԷՑ) ՓԲԸ-ի 100 տոկոս բաժնետոմսերի (բաժնեմասի) նկատմամբ ճանաչել հանրության գերակա շահ։ Նախագծի հիմնավորման համաձայն՝ ՀԷՑ-ը Հայաստանի ամբողջ տարածքում իրականացնում է էլեկտրաէներգիայի բաշխում՝ ապահովելով բնակչության, առողջապահական հաստատությունների, կրթական կազմակերպությունների, ջրամատակարարման համակարգերի, կապի միջոցների և տնտեսության բնականոն գործունեությունը։…

Էկոնոմիկայի նախարար Գևորգ Պապոյան-ը իր ֆեյսբուքյան էջում լուսանկար է հրապարակել՝ տեղեկացնելով, որ «Օնիրա քլաբ» ՍՊԸ-ին (Շանգրի Լա խաղատուն) տրված կազմակերպման լիցենզիան ճանաչվել է ուժը կորցրած։ Ըստ նախարարի հրապարակման՝ համապատասխան որոշմամբ ընկերության գործունեության լիցենզիան այլևս չի գործում։ Միաժամանակ, ըստ տարբեր հրապարակումների, տվյալ ընկերությունը կապվում է Գագիկ Ծառուկյան-ի ընտանիքի հետ։

Մոտ 20 հազար ֆերմեր այս տարի հնարավորություն կունենա ստանալու ավելի բարձր եկամուտ՝ կառավարության նոր աջակցության ծրագրի շրջանակում։ Առաջին անգամ պետությունը սուբսիդավորում է կաթի արտադրությունը՝ նպատակ ունենալով խթանել գյուղատնտեսության զարգացումը և բարձրացնել գյուղացիական տնտեսությունների արդյունավետությունը։ Կառավարությունը հորդորում է շահառուներին շտապել, քանի որ դիմումների ընդունման համար սահմանված ժամկետը մոտենում է ավարտին։ Սուբսիդավորման գումարը ստանալու համար անհրաժեշտ է…

«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ վթարային աշխատանքներով պայմանավորված՝ ս. թ. հունիսի 22-ին՝ ժամը 12:30-19:00-ն, կդադարեցվի Ալիխանյան Եղբայրների, Դավթաշեն 4, 5 փ., Եղվարդի Խճուղու ջրամատակարարումը: Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար:

ՀՀ ՆԳՆ փրկարար ծառայությունը հայտնում է․ «Այսօր՝ ժամը 14։25-ի սահմաններում, Փամբակ գետում՝ ենթադրյալ դեպքի վայրից շուրջ 550 մետր հեռավորության վրա, ՆԳՆ փրկարար ծառայության ջրասուզակը հայտնաբերել է հունիսի 15-ից որոնվող 2013 թվականի ծնված Մարինե Մարտիրոսյանի մարմինը։Որոնողական աշխատանքներին ներգրավվել էին փրկարարական և ոստիկանական ծառայողներ, կամավորներ, ջրասուզակներ, անօդաչու թռչող սարքեր, օգտագործվել են նաև նավակներ ու այլ տեխնիկական միջոցներ»։

Մեծ Բրիտանիայի վարչապետ Քիր Սթարմերը հայտարարել է հրաժարականի մասին՝ նշելով, որ պաշտոնում կմնա մինչև Լեյբորիստական կուսակցության նոր ղեկավարի ընտրությունը։ Նա արդեն տեղեկացրել է թագավոր Չարլզին իր որոշման մասին և հայտնել, որ ընտրական գործընթացը կսկսվի հուլիսի 9-ին և կավարտվի հուլիսի 16-ին։ Հնարավոր հիմնական թեկնածուն համարվում է Էնդի Բերնեմը՝ Մեծ Մանչեսթերի նախկին քաղաքապետը, որը վերջերս հաղթել է…

ՀՀ առողջապահության նախարարությունը հայտնում է, որ Արտենի գյուղի մոտակայքում տեղի ունեցած ճանապարհատրանսպորտային վթարի հետևանքով հոսպիտալացվել է 11 քաղաքացի։Նախարարության տվյալներով՝ երեք տուժած գտնվում են վերակենդանացման բաժանմունքում, նրանց առողջական վիճակը գնահատվում է ծայրահեղ ծանր։Եվս հինգ տուժածի վիճակը ծանր է, իսկ երեքինը՝ թեթև։ Բոլոր տուժածները մարզային բուժկենտրոններում ստանում են անհրաժեշտ բժշկական օգնություն։