ՌԴ Դաշնության խորհրդի սենատոր Այրատ Գիբատդինովը կրկին առաջարկել է լեգենդար երգիչ, «Լասկովի մայ» խմբի մեներգիչ Յուրի Շատունովին հետմահու շնորհել «Ռուսաստանի ժողովրդական արտիստ» պատվավոր կոչումը։
Սենատորի խոսքով՝ միլիոնավոր մարդկանց կուռք դարձած Շատունովը կյանքի ընթացքում չի արժանացել պետական բարձր գնահատականի, թեև նրա ներդրումը ռուսական երաժշտության և մշակույթի զարգացման գործում անգնահատելի է։
Գիբատդինովը նաև պատրաստում է պաշտոնական օրենսդրական նախաձեռնություն, որով նախատեսվում է հնարավորություն ստեղծել հետմահու պատվավոր կոչումներ շնորհել այն մշակույթի գործիչներին, որոնց վաստակը կյանքի ընթացքում պատշաճ գնահատականի չի արժանացել։