Դատախազությունից հայտնում են, որ 2026 թվականի փետրվարի 7-ից՝ Ազգային ժողովի հերթական ընտրությունների գործընթացի մեկնարկից մինչ օրս, դատախազների կողմից հաստատված մեղադրական եզրակացությամբ դատարան է հանձնվել ընտրական հանցագործությունների վերաբերյալ ընդհանուր 13 քրեական վարույթ՝ 40 անձի նկատմամբ։ Այս մասին Օբյեկտիվ․am-ը տեղեկանում է Դատախազությունից։
Մասնավորապես՝ ՀՀ գլխավոր դատախազության հակակոռուպցիոն կոմիտեում մինչդատական վարույթի օրինականության նկատմամբ հսկողության վարչության դատախազների կողմից հաստատված մեղադրական եզրակացությամբ դատարան է ուղարկվել 8 քրեական վարույթ՝ 31 անձի վերաբերյալ։
Դրանցից մի մասը վերաբերում է ընտրակաշառք տալու և ստանալու, բարեգործության արգելքը խախտելու, ընտրական գործընթացին խոչընդոտելու, ինչպես նաև հավաքներին մասնակցելու նպատակով նյութապես շահագրգռելու դեպքերին։
Բացի այդ, Քննչական կոմիտեում քննված գործերով ևս 5 քրեական վարույթ է ուղարկվել դատարան՝ 9 անձի վերաբերյալ, որոնք առնչվում են ընտրական իրավունքների խոչընդոտմանը, շանտաժի միջոցով հարկադրմանը և ընտրական գործընթացին ապօրինի ներգործությանը։
Ընդհանուր առմամբ, բոլոր վարույթները վերաբերում են ընտրական հանցագործությունների տարբեր դրսևորումների՝ ընդգրկելով մի քանի տասնյակ անձանց։