ՀՀ Ազգային ժողովի աշխատակազմի պետական ծառայողները կխրախուսվեն միանվագ դրամական պարգևատրմամբ։
Համապատասխան կարգադրությունը կայացվել է՝ հիմք ընդունելով «Ազգային ժողովի կանոնակարգ» սահմանադրական օրենքի 5-րդ հոդվածի 2-րդ մասի 22-րդ կետը և «Պետական պաշտոններ և պետական ծառայության պաշտոններ զբաղեցնող անձանց վարձատրության մասին» օրենքի 22-րդ հոդվածը։
Կարգադրությամբ նախատեսվում է ԱԺ աշխատակազմի պետական ծառայողներին տրամադրել միանվագ դրամական պարգևներ՝ համաձայն հաստատված հավելվածի։
ԱԺ աշխատակազմի ղեկավար-գլխավոր քարտուղար Դավիթ Առաքելյանին հանձնարարվել է օրենսդրությամբ սահմանված կարգով ապահովել համապատասխան վճարումների իրականացումը։