ՀՀ վարչապետ Նիկոլ Փաշինյանը ԵԱՏՄ նիստում հայտարարել է, որ Հայաստանը հավատարիմ է Եվրասիական տնտեսական միության սկզբունքներին, սակայն միաժամանակ ընդգծել է, որ ԵԱՏՄ ընդհանուր շուկայում առկա սահմանափակումներն ու վարչական խոչընդոտները շարունակում են խնդիրներ ստեղծել բիզնեսի համար։
Նա նշել է, որ ապրանքների և ծառայությունների ազատ տեղաշարժը ԵԱՏՄ հիմնական սկզբունքներից է, սակայն գործնականում այդ սկզբունքները լիարժեք չեն իրականացվում։
«Առանձին սահմանափակումները և վարչական գործողությունները շարունակում են խոչընդոտել ընդհանուր շուկայի լիարժեք գործունեությանը՝ նվազեցնելով բիզնեսի վարման պայմանների կանխատեսելիությունը և ինտեգրացիոն գործընթացների արդյունավետությունը»,- ասել է Փաշինյանը։
Փաշինյանը նաև նշել է․ «ՀՀ-ն չի կարող հանրաքվե անել հարցի շուրջ, որն այս պահին գոյություն չունի»։
ՀՀ-ն չի կարող հանրաքվե անել հարցի շուրջ, որն այս պահին գոյություն չունի. Փաշինյանը՝ ԵԱՏՄ-ում
