Երևանի Շենգավիթ վարչական շրջանում գրանցվել է ծանր հանցագործություն, որի հետևանքով 27-ամյա երիտասարդ է մահացել։
Ներքին գործերի նախարարության փոխանցմամբ՝ դեպքի մասին ահազանգը ստացվել է ժամը 19:55-ին։ Ըստ նախնական տվյալների՝ մի խումբ անձանց միջև վիճաբանություն է սկսվել մեքենայի արագ վարելու հարցի շուրջ, որը հետագայում վերածվել է ծեծկռտուքի։
Վիճաբանության ընթացքում 16-ամյա պատանին դանակահարել է 27-ամյա երիտասարդին։ Ստացած մարմնական վնասվածքներից վերջինս տեղափոխվել է հիվանդանոց, սակայն նրա կյանքը փրկել չի հաջողվել։
Դեպքի առնչությամբ կան ձերբակալված անձինք։ Իրավապահ մարմինները պարզում են միջադեպի բոլոր հանգամանքները և հնարավոր ներգրավված անձանց շրջանակը։
Օբյեկտիվ.am-ը տեղեկանում է, որ դեպքի կապակցությամբ նախաքննությունը շարունակվում է։
Շենգավիթում վիճաբանությունը վերածվել է սպանության․ 27-ամյա երիտասարդը մահացել է դանակահարությունից
