Միգրացիայի և քաղաքացիության ծառայությունը պարզաբանում է ներկայացրել՝ արձագանքելով երկրորդ նախագահ Ռոբերտ Քոչարյան-ի բնակության հասցեի վերաբերյալ տարածված տեղեկատվությանը։
Հաղորդագրության համաձայն՝ Իսակովի փողոց 23/7 հասցեի և դրա հարակից տարածքների վերաբերյալ պետական բնակչության ռեգիստրում առկա են տարբեր ձևակերպումներ, այդ թվում՝ «կից հողատարածք», «հարակից շինություն» և «հող․ կից տնակ»։
Գերատեսչությունից հայտնում են, որ մեդիա դաշտում տարածված լուսանկարում նշված անձը հաշվառված է նույն հասցեի հարակից տարածքում գտնվող շինություններից մեկում, և հաշվառումը կատարվել է օրինական հիմքերով։
Նշվում է նաև, որ ընտրողների ցուցակներում հասցեի մանրամասները ամբողջությամբ չեն արտացոլվում, սակայն հաշվառման տվյալները ստուգվել են և չեն արձանագրել որևէ խախտում։
Միգրացիայի և քաղաքացիության ծառայությունը հիշեցնում է, որ ընտրողների նախնական ցուցակները հրապարակվում են քվեարկության օրվան նախորդող 40-րդ օրը՝ քաղաքացիներին հնարավորություն տալով ճշտել տվյալները։
Միաժամանակ ընդգծվում է, որ հաշվառումը տեխնիկական բնույթ ունի և չի սահմանափակում կամ չի տրամադրում ընտրելու իրավունք։