July 27, 2026

«Վեոլիա Ջուր» ընկերությունը տեղեկացնում է իր հաճախորդներին և սպառողներին, որ «ՋՐԱՌ» ընկերության կողմից «Մանթաշի» ջրամբարի ջրթող փականի վերանորոգման աշխատանքներով պայմանավորված, ս.թ. հուլիսի 28-ին ժամը 11:00-ից մինչև հուլիսի 29-ը ժամը 14:00-ն կդադարեցվի Շիրակի մարզի՝ Սարալանջ, Հառիճ, Նահապետավան, Անուշավան, Գետափ, Սպանդարյան, Մեղրաշեն, Փանիկ, Հայկասար, Տուֆաշեն գյուղերի և Արագածոտնի մարզի՝ Նորաշեն գյուղի ջրամատակարարումը: Ընկերությունը հայցում է սպառողների ներողամտությունը…

Ճանապարհային երթևեկության անվտանգության ապահովման նկատառումներով պայմանավորված, ինչպես նաև մայրաքաղաքում տրանսպորտային հոսքերի անցանելիությունն ավելացնելու նպատակով ս.թ. հուլիսի 27-ից երթևեկության կազմակերպման փոփոխություն կկատարվի Սեբաստիայի փողոցում, մասնավորապես` Սեբաստիայի 165/1 հասցեին հարակից ճանապարհահատվածում կազմակերպված  հետադարձի տեղը կապամոնտաժվի: Այս մասին տեղեկանում ենք Երևանի քաղաքապետարանի լրատվության վարչությունից։

Հուլիսի 27-ին՝ ժամը 10։57-ին, հաղորդում է ստացվել, որ Երևանի Իսակովի պողոտայում «Լեքսուս» մակնիշի ավտոմեքենան վրաերթի է ենթարկել տղամարդու, որը տեղում մահացել է։ Նախնական տվյալներով՝ տղամարդը փողոցը փորձել է հատել չթույլատրված հատվածով։ Կատարվում է նախաքննություն։