Փաստաբան Ռուբեն Մելիքյանը հայտնել է Կարապետ Պողոսյանի ձերբակալության մասին

Փաստաբան Ռուբեն Մելիքյան-ը ֆեյսբուքյան իր էջում հայտնել է, որ իր պաշտպանյալ, հանրային գործիչ Կարապետ Պողոսյան-ը ձերբակալվել է։
«Գյումրիից ինձ քիչ առաջ տեղեկացրեցին, որ ժամեր առաջ Հակակոռուպցիոն կոմիտեի կողմից ձերբակալվել է հանրային գործիչ, իմ պաշտպանյալ Կարապետ Պողոսյանը։ Հարազատներին և պաշտպանին նրա գտնվելու վայրի մասին տեղեկացնելու իրավունքն այս պահի դրությամբ չի ապահովվել»,- գրել է Մելիքյանը։
Օբյեկտիվ.am-ը տեղեկանում է, որ այս պահին իրավապահ մարմինների կողմից դեպքի վերաբերյալ պաշտոնական մանրամասներ չեն հրապարակվել։
Թեմայի վերաբերյալ պաշտոնական մեկնաբանության դեպքում նյութը կթարմացվի։