Հայաստանում մեկնարկել են Ազգային ժողովի հերթական ընտրությունները։ Քաղաքացիներն այսօր քվեարկությամբ ընտրելու են երկրի նոր խորհրդարանը։
Ընտրություններին մասնակցում է 18 քաղաքական ուժ՝ կուսակցություններ և դաշինքներ։ Ընտրատեղամասերը բացվել են առավոտյան և գործելու են մինչև ժամը 20:00-ն, որից հետո կսկսվի ձայների հաշվարկի գործընթացը։
Կենտրոնական ընտրական հանձնաժողովի տվյալներով՝ ընտրողների ռեգիստրում ընդգրկված ընտրողների ընդհանուր թիվը կազմում է 2 միլիոն 485 հազար 851 մարդ։
Ընտրական գործընթացի ընթացքում իրավապահ մարմիններն ու ընտրական հանձնաժողովները հետևելու են քվեարկության բնականոն ընթացքին, իսկ քաղաքական ուժերի ներկայացուցիչներն ու դիտորդական առաքելությունները վերահսկելու են ընտրությունների կազմակերպումը։
Օրվա ընթացքում ԿԸՀ-ն պարբերաբար կհրապարակի ընտրողների մասնակցության վերաբերյալ տվյալներ, իսկ նախնական արդյունքները կհայտարարվեն քվեարկության ավարտից հետո։
Օբյեկտիվ.am-ը հետևում է ընտրական գործընթացին և կներկայացնի օրվա կարևոր զարգացումները։
ՀՀ-ում մեկնարկել են Ազգային ժողովի ընտրությունները․ մասնակցում է 18 քաղաքական ուժ
