Երևանի քրեական դատարանը վարույթ է ընդունել քրեական գործ, որով Գ․ Գ․-ը մեղադրվում է անչափահասի հետ օրենքով արգելված սեռական հարաբերություն ունենալու մեջ։
Դատական տեղեկատվական համակարգի տվյալներով՝ մեղադրանքը վերաբերում է այն դեպքին, երբ 18 տարին լրացած անձը սեռական հարաբերություն է ունեցել 16 տարին չլրացած աղջկա հետ, ծնված 2009 թվականի մայիսի 19-ին։
Գործը դատարան է մուտքագրվել 2026 թվականի հունիսի 8-ին՝ Ավան և Նոր Նորք վարչական շրջանների դատախազությունից։ Այն մակագրվել է Երևանի քրեական դատարանի դատավոր Դավիթ Բալայանին։
Մեղադրանքը առաջադրվել է ՀՀ քրեական օրենսգրքի համապատասխան հոդվածով, իսկ որպես խափանման միջոց կիրառվել է բացակայելու արգելքը։
Հրապարակված տվյալներով՝ մեղադրյալը նախկինում դատված չի եղել։ Դատական քննության ամսաթիվ դեռևս չի նշանակվել։ Այս մասին Օբյեկտիվ.am տեղեկանում է Դատական տեղեկատվական համակարգից։